Царсны дэргэд гараа өргөн зогсоод
Шар өнгийг хүлээхэд
Зовлонт шувуудын дуун тэнгэрт царцаад
Цэнхэр хүслийн минь үзүүрт тээр болно
Улнаас минь хүйтэн оргиж
Хүлээлт болсон шар өнгө хөл хучина
Шувуудын дуун уулсын цаана
Одоо ганцхан л хүсэл үлдсэн...
Царсны дэргэд гараа өргөн зогсоод
Цагаан өнгийг хүлээнэ
Гэвч...
Хурууны минь үзүүрийг жавар тэмтэрнэм
II
Өвгөн шувуу...
Үснээс минь ширхэг ширхэгээр нь зөөнө
Үнэг хайчлаж чиний ирэхийг хүлээхүл
Өнө хожимоо чи миний хүслийг ойлгоно
Үзэг цаасыг өндгөөрөө тэмтэрхүл
Өвгөн шувуу...
Үснээс минь ширхэг ширэхгээр нь зөөнө
Зулайд минь нар хальтрах мөчид
Үзэг цаасыг нүдээрээ тэмтэрхүл
Өвгөн шувуу үүрээ орхино
Өнө хожимоо би ч бас түүний хүслийг ойлгоном.
III
Үүнийг л гээхгүй бол
Өнөд өөрийгөө зэмлэнэ
Үсэн дотор минь
шувуу жиргээд байна
Урьä шөнө...
Сар ямар тод байсан гээч
Би сүүдрээ олж харсан
Дэрвэх сормуус...
Хайр нэхсэн харц...
Урьд шөнө...
Сар ямар тод байсан гээч
Ү¿нийг л гээхгүй бол
Өнөд өөрийгөө зэмлэнэ
Үсэн дотор минь
шувуу жиргээд байна.
